PARLAMENTUM GERMANIAE BEROLINUM TRANSLATUM Urbs Bonna, in ripa Rheni fluminis sita, quinquaginta annos sedes administratorum Germaniae fuit. Mense Iulio ineunte et Foederalis conventus legatorum et magna pars ex ministeriis publicis Berolinum demigraverunt. De hac migratione Foederalis conventus ante octo annos constituit. Post ferias aestivas delegati Berolinum convenient. Decem fere milia virorum politicorum, magistratuum, legatorum redactorumque Bonnam reliquisse aestimantur.